والله اني كنت ألوم اللى "يضيق" أن غـاب خلّـه

والله اني كنت ألوم اللى "يضيق" أن غـاب خلّـه
لين جربت.. المحبه ..والفـراق وقلـت توبـه..
لعنبو جـد ,,المفـارق,, فيـه هـم وفيـه ذلـه
أثر كل الحـب لـذه والفـراق أكبـر عيوبـه ..
امس فارقت الغـلا ومفـارق الخـلان ,,علـه,,
والعلاج الوصل .. لا تبلش طبيب ..ولا حبوبـه ..
الزعـل هـو سبّـة الفرقـا يهـز الحـب كلـه
ليتنـي طولـت بالـى قبـل لا يعلـن غروبـه..
وآهني اللى وسيع الصدر.. صدره وسـع .. فلّـه
غلطة الصاحب تجي واتروح ماهى بمحسوبـه ..
عارف(ن) قدره.. وقدر اللى "يحبـه" فـى محلـه
ذاك نفسه لا حشا ماهى على الحب امغصوبـه ..
ليش تُحسب غلطة الصاحب على الصاحب مذلـه
ليش ماتحسب ميانه لو تجى عشريـن نوبـه ..
لا وربى.. كنـت {أحبـه} حيـل مـادورت زلـه
لا أشكك فـى غـلاه ولا أفكّـر فـي هروبـه..
لايمـي .. قبلـك تعبـت ألـوم شعـار المجلـه
وكنت مؤمن فى مقولة اعذب الشعـر بكذوبـه..
وأثر كلـن فـى حياتـه لـه تجـارب مستقلـه
وانت لا تشره على مثلى وتبـلا لـك بحوبـه ..
كان جابتـك.. الحميّـا روح لـه تكفـى وقلـه
لا يخلينـى واذا وده يخفـف مــن ذنـوبـه ..
يستخير وله غلا قلـب(ن) صـدوق(ن) مايملـه
فدوة(ن) له كل ~قلبي~ من شماله لي جنوبـه..
يوم قفـى والخفـوق يفـوح عقبـه فـوح دلـه
حول نار اللي عل طول الشتاء والسهر دوبـه ..
لا تقهـوى بـارده مـن بـرد فنجالـه وزلــه
ثم قربها على جال الجمر وأرهى عليها بالشبوبه..
ويـن يدلـه هالخفـوق وكـل مايدلـه يتـلـه
طاري اللى ياكثر ماأتعبت رجلـى فـى دروبـه..
لا طرى جرّيت ونـة ( مـن بـلاده مستحلـه )
مثل ماراحت بـلادي مـع شعـارات العروبـه..
كل هاجوس يجيبه جعـل شعـرى فـدوة(ن) لـه
وأعذابـى كـل ماجابـت لـى القبلـه هبـوبـه
مشغل(ن) قلبـي بحبـه دون خلـق الله مـن الله
هيه ياللى ممتلكنى حسـن وأسلـوب وعذوبـه..
ماسمعت ان ..الخوي.. له بالخوي تسعيـن زلـه
وانـت سامـح زلتـى لعـلّ تفـداك اللعوبـه ..
صاحبي سيف الهجر لا صرت تقـدر لا تسلـه -
لاتظن ان العفو عنـد المقـدره اكبـر عقوبـه ..
إيه انا اللى كنت( ألوم )اللى يضيق ان غاب خلـه
لين جربـت المحبـه {والفـراق} وقلـت توبـه

لشاعر .. حمد السعيد ..

كلمات في غااايت الروعه

كروعة مواااضيعك

ما ننحرم من جديدك

والله اني كنت ألوم اللى "يضيق" أن غـاب خلّـه

لين جربت.. المحبه ..والفـراق وقلـت توبـه..

لعنبو جـد ,,المفـارق,, فيـه هـم وفيـه ذلـه

عجتني الابيات مررره رووووووعه
يسلمووو
لا ننحرم من جديدك

تحيااااتي/شرقاااويه دلع

ياهلا وغلا منوورين صفحتي

» تتوقع وزن اللى بعدك كم ؟؟؟
» وش تبي تسرق من العضو اللى قبلك
» والله مـايـذبـحــك يــاكـــود حــاجـــه