ترى هذا اللي تحبينه هو محمد ولد خالي ..!!

ليش نزلتي عيونك ارفعيها وطا لعيني
والا يعني انحرجتيي يوم جاوبتي سوالي

ليش قلتيلي احبك ليش كنتي تخدعيني
ليش قلتيلي حبيبي ليش قلتيلي ياغالي

كان ممكن مااحبك كان ممكن تتركيني
كان ممكن من بدايه تخدعي غيري بدالي

ليش انا بالذات يعني ليش قولي جاوبيني
بعد غدرك خبريني وقولي بس شلي بقالي

والله اني ماجرحتك ليش انتي تجرحيني
هنت على قلبك حسافه وانقضت اجمل ليالي

والقهر للحين احبك وادري انك ماتبيني
والمحبه من طرف واحد نهايتها زوالي

كان عمري بيدينك قولي وش كان بيديني
اذكر انه من غلاتك كان قدرك فوق عالي

كنت اتجاهل واطنش يوم نغزاتك تجيني
وكنت اقول الحب اكبر من تصرف لامثالي

ابغي من وقتك دقيقه وليت انك تمنحيني
بس ابا اقولك ثلاث اشياء واروح امشي لحالي

اولا فعلا احبك كنتي قلبي وعيني
وكانت الدنيا بوجودك شي روعـه شي خيالي

ثانيا عاللي بدر مني دخيلك سامحيني
يمكن انه زل لساني وقلت انك راس مالي

ثالثا اسالك بالله واطلبك لاتذكريني
احرقي كل القصايد وانسي اشواقي ووصالي

المهم اني اببعد وانتي روحي واتركيني
ارجعيله ومثلي دور البريئه اللي تبالي

وفي النهايه قبل ماانسى بقولك كلمتيني
ترا هذا اللي تحبينه هو محمد ولد خالي

*_* كلمات اعجبتني اتمنى تعجبكم *_*

تحياتي
برونزي عسل

وااااااااااااااااااو
بصراحه عجبتني كثييييييييييييييييير
يسلمووووو على الكلمات الرائعه
تسلم ايدك على هالطرح

تحياااتي/شرقااااويه دلع

مشكور على الشعر

» تدري وش اللي يجرح القلب جرحين...